Lamisil krem er sveppalyf til að meðhöndla húðsýkingar af völdum húðsveppa. Lamisil krem verkar sem sveppaeyðir, þ.e.a.s. það drepur sveppi.

Fullorðnir og börn eldri en 12 ára: Meðhöndla á fótsveppi, hringlaga húðsveppasýkingu og hvítsveppasýkingu í húð einu sinni á sólarhring í eina viku en litbrigðamyglu 1-2 sinnum á sólarhring í tvær vikur. Hreinsið og þurrkið sýkta svæðið og þvoið hendurnar. Berið kremið á í þunnu lagi. Gætið þess að þekja allt sýkta svæðið. Þvoið hendur eftir að kremið er borið á til að koma í veg fyrir að sýkingin berist til annarra svæða líkamans.