Imodium kemur þarmahreyfingum í eðlilegt horf, vinnur gegn vökvatapi og eykur getuna til þess að halda hægðum. Imodium er notað við tilfallandi (skyndilegum) niðurgangi. Læknirinn getur einnig ávísað lyfinu til meðferðar við langvarandi (langvinnum) niðurgangi og handa þeim sem eru með poka á kviðnum (stóma) eftir sumar maga- og þarmaaðgerðir, sem og þeim sem eiga í erfiðleikum með að halda hægðum (hægðaleki). Leitið til læknis ef sjúkdómseinkenni versna eða lagast ekki innan 2 daga.

Ráðlagður skammtur er: Við tilfallandi niðurgangi: Venjulegur skammtur fyrir fullorðna og unglinga frá 12 ára aldri: Hefja skal meðferðina með 2 töflum. Ef niðurgangurinn hefur ekki stöðvast innan 2-3 klst. skal taka 1 töflu eftir hvern niðurgang. Sólarhringsskammtur má ekki fara yfir 8 töflur. Ekki má nota Imodium lengur en í 2 sólarhringa í einu. Læknirinn getur ákveðið aðra skammta. Langvarandi niðurgangur: Læknirinn ákveður skammta sem henta hverjum og einum. Venjulegur skammtur fyrir fullorðna og unglinga frá 12 ára aldri: 1-8 töflur á sólarhring. Ekki má nota meira en 8 töflur á sólarhring. Töflurnar á að gleypa heilar með hálfu glasi af vatni. Áhrifin gegn niðurgangi koma fram innan einnar klukkustundar eftir inntöku 2 taflna (4 mg)

Lesið vandlega upplýsingar á umbúðum og fylgiseðli fyrir notkun lyfsins. Leitið til læknis eða lyfjafræðings sé þörf á frekari upplýsingum um áhættu og aukaverkanir. Sjá nánari upplýsingar um lyfið á sérlyfjaskrá

Virka innihaldsefnið er: loperamidhýdróklóríð 2 mg